| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 59.21 | Dem. 59.25 (English) | >>Dem. 59.27 |
59.23ὡς οὖν ἀληθῆ λέγω , ὅτι Νικαρέτης ἦν καὶ ἠκολούθει ἐκείνῃ καὶ ἐμισθάρνει τῷ βουλομένῳ ἀναλίσκειν , τούτων ὑμῖν αὐτὸν τὸν Φιλόστρατον μάρτυρα καλῶ .πάλιν τοίνυν , ὦ ἄνδρες Ἀθηναῖοι , μετὰ ταῦτα Σῖμος ὁ Θετταλὸς ἔχων Νέαιραν ταυτηνὶ ἀφικνεῖται δεῦρο εἰς τὰ Παναθήναια τὰ μεγάλα . συνηκολούθει δὲ καὶ ἡ Νικαρέτη αὐτῇ , κατήγοντο δὲ παρὰ Κτησίππῳ τῷ Γλαυκωνίδου τῷ Κυδαντίδῃ , καὶ συνέπινεν καὶ συνεδείπνει ἐναντίον πολλῶν Νέαιρα αὑτηὶ ὡς ἂν ἑταίρα οὖσα . καὶ ὅτι ἀληθῆ λέγω , τούτων ὑμῖν τοὺς μάρτυρας καλῶ .
59.25καί μοι κάλει Εὐφίλητον Σίμωνος Αἰξωνέα καὶ Ἀριστόμαχον Κριτοδήμου Ἀλωπεκῆθεν .
Μαρτυρία
Φιλόστρατος Διονυσίου Κολωνῆθεν μαρτυρεῖ εἰδέναι Νέαιραν Νικαρέτης οὖσαν ,ἧσπερ καὶ Μετάνειρα ἐγένετο ,καὶ κατάγεσθαι παρʼ αὑτῷ ,ὅτε εἰς τὰ μυστήρια ἐπεδήμησαν ἐν Κορίνθῳ οἰκοῦσαι ·καταστῆσαι δὲ αὐτὰς ὡς αὑτὸν Λυσίαν τὸν Κεφάλου ,φίλον ὄντα ἑαυτῷ καὶ ἐπιτήδειον .
59.24
Μάρτυρες
Εὐφίλητος Σίμωνος Αἰξωνεύς ,Ἀριστόμαχος Κριτοδήμου Ἀλωπεκῆθεν ,μαρτυροῦσιν εἰδέναι Σῖμον τὸν Θετταλὸν ἀφικόμενον Ἀθήναζε εἰς τὰ Παναθήναια τὰ μεγάλα ,καὶ μετʼ αὐτοῦ Νικαρέτην καὶ Νέαιραν τὴν νυνὶ ἀγωνιζομένην ·καὶ κατάγεσθαι αὐτοὺς παρὰ Κτησίππῳ τῷ Γλαυκωνίδου ,καὶ συμπίνειν μετʼ αὐτῶν Νέαιραν ὡς ἑταίραν οὖσαν καὶ ἄλλων πολλῶν παρόντων καὶ συμπινόντων παρὰ Κτησίππῳ .
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 59.21 | Dem. 59.25 (English) | >>Dem. 59.27 |
